Agurtzane Anduetza margolari eta eskultore zugarramurdiarraren margo erakusketa zabalik dago Senpereko Elkarteen Etxean abenduaren 17tik 30era, 15:00etatik 19:00etara. “Agur Senpere; Portretak, zubiak, ura, historia eta elezaharra” izenburupean, herriari buruzko hainbat margolan biltzen dira joan den ortziraletik hasita. Halere, inaugurazio ekitaldi ofiziala abenduaren 22an, asteazkenean 18:30ean eginen da.