Uda denboraldi kaxkarra izan zen lan arloan eskualdean, ekainetik irailera 121 langabe gehiagok eman baitzuten izena Doneztebeko Enplegu Bulegoan. Urrian joera horri buelta eman zitzaion, baina azaroan ere lehengo bidera bueltatu da, 24 langabe gehiagorekin bukatu baita hilabetea eta 1.140 lagun daude lanik gabe. Doneztebeko Enplegu Bulegoaren bitartez 380 kontratu egin ziren azaroan, horietatik 66 mugagabeak. Zerbitzu arloan izan da azaroan langabeen igoerarik handiena, 637tik 660ra. Eraikuntzan ere 143tik 147ra igo da eta industrian, aldiz, 250etik 247ra jautsi da.