Udazkena ailegatu denez, urtero bezala, egin da Leurtzako Aisi Eremuaren denboraldiaren datu bilketa eta hausnarketa.
203 egunez hartu dituzte datuak bertan egon diren zaindariek, eta hortik abiatuta, gainerako 160 egunentzat atera dira kontuak. Horren arabera, aurten Leurtzako urtegietan 35.000 bisitari baino gehiago izan direla ondoriozta daiteke.
Iaz baino 1.500 pertsona guttiago zenbatu dira, baina azken urteotako datuen antzera mantentzen da. Beti ere, eguraldiaren arabera aldaketak izaten direla kontuan hartu behar da.
Banaz bertze, eguneko 140 bisitari ateratzen da, eta ematen du urtean zehar bisitak banatzeko joera finkatzen ari dela. Aipatu, 2009an eguneko 145 lagun pasatu zirela kalkulatu zela, 2008an 120, 2007an 158 eta 2006an 162.
Bidea moldatzen
Urroztik Leurtzako urtegietara doan bideko zuloetan –markatuak dagoeneko– konponketak eginen dira.