Berriki estrenatu den “Ni Bidasoa, Yo el Bidasoa” dokumentala herriz herri aurkezten hasi dira. Aste honetan, abenduaren 13an, astelehen arratsaldeko 19:00etan Doneztebeko Alhondiga aretoan eskainiko da DVDa.
Abenduaren 16an, ortzegun arratsaldeko 19:00etan eskainiko da emanaldia euskaraz Lesakako Udaletxeko pleno aretoan.
Abenduaren 17an, ortziralean, Elizondoko Arizkuneneako Ganbarako areto ttikian izanen da emanaldia 19:00etatik aitzinera.
Heldu den astean, abenduaren 23an, ortzegunarekin, Berako Beralandetan eskainiko da euskarazko emanaldia 19:00etan.
Ibaiaren iragana, oraina eta etorkizuna
35 minutuko dokumentala Bidasoa ibaiari buruzkoa da, «ibaiaren iraganera, orainera eta etorkizunera hurbiltzen da» eta hainbat elkarrizketarekin osatu dute. Honela aurkeztu dute: «50 milioi urte ditut eta atzo, orain dela 50.000 urte, zuen arbasoak iritsi ziren lurralde hauetara. Hasieran pentsatu nuen Ama-Lurrak hautatu espezie zinetela... Baina zer gertatu zaizue hondarreko 100 urteotan?». Horrekin batera, Lesakako Sanferminetan dantzatzen den Zubigainekoa eta elkarrizketekin osatutako ordu terdiko ikusentzunekoa osatzen da.
Nafarroako Gobernua, La Caixa, Crana eta Uraren Foroa dira ekitaldiaren antolatzaileak.