Hazil hondar huntan jakinen da justiziak zer deliberatuko duen Herriko Etxeak Euskal Herriko Laborantza Ganbara elkarteari eman dion dirulaguntzaren gaian. Prefetak ez du batere begi onez ikusten gure hautetsiek diruz laguntzea elkartea eta auzitan eman du herria. Maiatzean salaketa eman zuen prefetak baina justiziak arrazoin eman zion herriari. Berehala, prefetak errekurtsoa presentatu zuen, bere ustez, elkarte horrek ez diolakoz deus ekartzen herriari zuzenean. Herriko Etxeko abokatak dio herriko laborariekin eginen diren proiektu jakinak laguntzeko eman zela laguntza: bio saila, eguzki lorearekin erregaia egiteko...
Ez da lehen aldia prefetak auzitan ematen duela herria. Bere aldetik Christine Bessonart auzapezak dio EHLG laguntzen segituko dutela.