Urteak dira Larraburuan mus txapelketak antolatzen hasi zirela eta aurten ere ez dute hutsik egin. 2010eko mus txapelketa, XIX.a, hain zuzen, azaroaren 14an hasi zen Larraburuan. 10 bikote ari dira parte hartzen eta abenduaren 17ra arte iraunen du.
Abenduaren 27an, berriz, bazkaria eta trofeoak banatzea izanen da. Jose Javier Zubieta eta Joxe Mari Arburua antolatzaileek erran dutenez, bikote irabazleak txapela eta trofeoa hartuko dute eta bigarren, hirugarren eta laugarren bikoteek trofeoa.
Bortzirietako Mus Txapelketa
Bortzirietako Osasunazaleek antolatutako Mus Txapelketaren Etxalarko kanporaketa ortziral honetan, azaroak 26, jokatuko da Herriko Ostatuan. 23:00etan hasiko da eta ordura arte apuntatzen ahal izanen da.