Bertizko parkearen ereduari segituz, Udalak mendia babesteko proiektu bat aurkeztu du. Proiektu honek hartuko lukeen eremua Zimitzutik hasi, Bagoleko Borda pasatu, Azkuraino ailegatu eta hortik Bertizko mugaraino izanen litzateke.
Bertizko parkean gestio plan bat dago eta hori hartu da oinarri proiektu hau martxan jartzerakoan. Plan horren arabera, adibidez, eremu horretan ehiza egiten ahal dela adierazten da, baina ehiza plana segituz; edo arbolak mozten ahal dira, baina mendiko planak segituz, mendian ibili ahal izanen da baina, adibidez, ez pista berririk ireki, baizik eta lehengo pista zaharrak berritu eta berreskuratu.
Plan honen helburua bertako landare eta animaliak babestea izanen da. Asmo hau Udalean aurkeztua dago eta azaroan bilera irekia eginen da herritar guztiei honen berri gehiago emateko.