Euskal Kantuzaleen Elkartearen ekimenez, eta urteko hitzorduari hutsik egin gabe, abian da dagoeneko Nafarroako Euskal Kantu Txapelketaren edizio berria.
Dagoeneko izena emateko epea zabalik dago eta hilabete honetan, urrian, izanen da horretarako aukera. Interesatuek hainbat bide dituzte apuntatzeko: Euskal Kantuzalearen Nafarroako egoitzara deituz (948 144706) edo idatziz (nafarroagaraia@kantuzale.net). Horrez gain, Nafarroako edozein irrati euskaldunetara joz ere eman daiteke izena: Xorroxin (948 581374) eta Karrape (948 610914) irratietan, erraterako.
Txapelketako lehendabiziko kanporaketa azaroaren 6an jokatuko da Etxarri-Aranazko Kultur Etxean. Bigarrena, berriz, Berriobeitiko (Artika) Maria de Maeztu Kultur Etxean eginen da eta finala, azkenik, Elizondoko Lur dantzalekuan, azaroaren 20an. Saio guztiak larunbatetan izanen dira, 18:00etan hasita.