Xaloa Telebistako bi erreportari Ezkurra aldean ibiliak dira hilabete honetan. Irailaren 10ean, herriko irudiak grabatzen aritu ziren, eta seguruenik, aldizkari hau argitaratzen denean oraindik telebistan emitititu gabeak izanen dira.
Izenari buruzko informazioa eman zitzaien, baita historia azaldu ere, eta herriaren eta herritarren jabe zela pentsatzen zuen Ezkurrako Aznar jauntxoaren eta herritarren arteko gorabeherak ere kontatu zitzaizkien Xaloakoei, herritarrak bere morroiak zirela uste baitzuen jauntxo hark.
Elkarrizketa eta bitxikeria horiez gain, elizan, frontoian, ermitan, labaderoan eta aurten 100 urte bete dituen Barranka Ostatuan ere hartu zituzten irudiak, baita XVII. mendekoa den Portonean ere. Etxe honek oraindik mantentzen duen tximini haundiari begira eta 260 metro koadroko ganbaran ibili ziren.
Irailaren 10ean grabatutakoa Xaloa Telebistan ikusteko aukera izanen da, baina seguru aski baita Interneten www.tokiko.tv web orrian ere.
Aipatu, bestalde, duela hilabete batzuk ETBk ere Ezkurrako irudi batzuk emititu zituela, Ollingo burdinola eta meategienak, hain zuzen.