Uztailean hasi bazen ere, Gobernuko Turismo zuzendari nagusia eskualdera etorria zela aprobetxatuz, lehengo autobus geltokian dagoen Turismo Bulegoa bisitatu zuten Gobernu eta udal ordezkariek irailaren 10ean. Bulegoko ordutegiaz gain, eguneko 24 orduz kontsulta daiteke informazioa, kanpoan ukimen pantaila bidezko ordenagailua baitu.
Udan Virginia Fernandez aritu da bulegoan eta, dioenez, «abuztuan eguneko 50-60 bat bisitari izan ditugu, baina irailean jautsi egin da. Gehienbat bazkaltzeko toki eta Malerrekako baliabideez galdezka etortzen dira, Zubietako errota, Donamariako Jauregia, Leurtzako urtegiak…».