Urteekin indartzen ari da Doneztebe Futbol Taldea, eta 39 jokalarirekin hasi zen taldea izatetik, 166 jokalari eta hamar talde izatera pasatu da.
Kluba 2003an sortu bazen ere, kirol ibilbidea 2004 bukaeran hasi zuen. Geroztik haundituz joan da: 2005/2006 denboraldian 67 jokalari izan ziren; 2006/2007an 78 jokalari; 2007/2008an 124; 2008/2009an 129; 2009/2010ean 147 jokalari eta denboraldi honetan hamar taldetan 166 jokalari izanen ditu. Hain zuzen, hilaren 17an egin zuten denboraldiko aurkezpena. Aurten, gainera, lehen aldiz, neskak ere futbol-11n ariko dira, azken urteetan futbol-7an eta areto-futbolean ibili ondotik.
Aparan inguruan futbol-zelaia eraikitzeko lehen urratsak eman dira, eta hurrengo denboraldia zelai berrian hastea litzateke Futbol Taldearen ametsa, baina bitartean, etxeko partidak Elizondo, Uharte eta Taxoaren jokatuko dituzte.