Interneteko lehengo helbidearekin zituzten arazoak moldatu asmoz, webgune berria martxan jarri du Xorroxin Irratiak: www.xorroxinirratia.info. Webgubearen berrikuntza nagusiena Xorroxin Irratiaren emankizuna Internet bidez zuzenean aditzeko aukera dela aipatu digu Fernando Anbustegi, orrialdea kudeatuko duen irrati esatariak. Horrela, Xorroxin Munduko edozein txokotan adituko da online, irratia sintonizatu beharrik gabe.
Elizondoko Eskiz Informatikak osatu duen webguneak, gainera, bertzelako elkarrizketen eta berrien grabazioa aditzeko aukera ematen du. Hasiera orrian, irratiaren programazioaren berru ematen da, baita Elizondo eta Lesakako egoitzetako kontaktuak eta bertze loturak. Xorroxin Irratiaren programazioa, publizitate tarifak eta irrati saioak atalean, saio bakoitzaren ezaugarriak, berriemaileen izenak eta bertze informazioa ageri da.