Artxeluak taldeak kantaldia eskainiko du Ibarrungo bestetan

Ibarrungo bestak ate joka ditugu buruilaren 24tik 27rat ospatuko baitira. Ohiturari jarraikiz, xerri ttiki jatearekin hasiko dira Mikeliak ortziral arratsean Inharrea base­rrian. Gero, asteburuan, animazio andana izanen da: ibilaldia oinez Iba­rrun auzoan barna, pala norgehiagoka, kontzertuak Ze Esatek eta Smackwar taldeekin, trikitixa erakus­taldiak Zaldibiako musikariekin, eta kantaldia Artxeluak mul­txoa­­rekin. Ahots hutsez edo gita­rraren lagun­tzarekin, Michel Labeguerie, Guk edo Eltzegor taldeen kantuak eskaintzen dituzte gaz­te hauek. Senpereko besten kari gaitzeko giroa piztu zuten uztailean eta aldi huntan ere ez da dudarik belarriak goxa­tzen ahalko direla. On­gi alegeratuko dute lehen Senpereko biho­tza izan zen auzoa. Duela mende batzuk, herrigunea Ibarrunen zen eta noizbait oraingo Karrika Na­gu­­sirat eraman zen Gaz­telua eta Akerre­tako erro­ta ondorat.