Espainako Bide Berdeen Fundazioarekin elkarlanean eta Ingurumen Ministerioak finantzatuta, estatu espainiarreko bide berdeen topaketa Bertizko Jauregian eginen da urriaren 7an.
Egunari hasiera emateaz, Nafarroako Gobernuko ordezkariak, eta Ingurumen Ministerioko eta Fundazioko ordezkariak arduratuko dira. Horren ondotik, bide berde ospetsu batzuen inguruan azalpenak emanen dira eta segidan, Nafarroako bide berde guztiak izanen dira hizpide. Bidasoakoaren kasuan, Euroveloaren proiektua azalduko da eta Doneztebe-Elizondoko zatiaren egoeraren berri emanen da.
Arratsaldean, bide berdea eta dauden enpresa eta establezimenduak ikusteko bisita gidatua eginen da.