Maiatzaz geroztik, herrian barna mantenimendu lanak egiten aritu diren bi lagunek aste hau izanen dute hondarrekoa. Lau hilabete hauetan hainbat lanetan aritu dira; ur depositu berriaren ondoan, adibidez, iturria, su-tokia eta mahaiak paratu dituzte. Eta azken egun hauetan baserriko bideak zabaltzen eta harrizko paretak egiten ari dira.
Nafarroako Gobernuko Enplegu Zerbitzutik hartu ziren 18.000 eurorekin kontratatu zituen Udalak bi langile hauek, ofiziala bat eta peoia bertzea.
Bertzalde, Espainiako Gobernuaren E-Planetik hartutako subentzioarekin errepide bazterretan babes-hesiak paratzekoak zituen Udalak eta Sasoi enpresak uztailean egin zituen lanak. 16.000 euro inguru hartu ziren dirulaguntza deialdi honetan.