Euskal Herrian egiten den herri kirol txapelketarik haundiena Hendaian (Lapurdi) jokatuko da irailaren 11n. Aurten ere eskualdeko hainbat kirolarik parte hartuko du: txokor biltzen Fernando Etxegarai (Bera); ingude altxatzen Joakin Aioroa (Ituren); lasto altxatzen Xabi Sein (Igantzi); harri-altxatzen Unai Bertiz (Sunbilla); txinga eramaten (igandean Leitzan jokatuko den Nafarroako Txapelketan irabazten duena); orga jokoan Joseba Petrirena (Bera) eta aizkoran Donato Larretxea (Arantza).