DATUA | 7 TXAPEL lortu ditu guztira Iruritak. Doneztebek 17 ditu; Oizek 4 eta Arraiozek 3.
Baztan-Errekako XXXI Laxoa Txapelketaren finala jokatu zen abuztuaren 1ean Oizen eta Irurita Bk 9 eta 6 irabazi zion Irurita Ari, final gogor baten ondotik. Joseba Urtasun, txapeldunen sakalaria izendatu zuten finaleko jokalari onena eta Mikel Eizagirreren saria eraman zuen. Berekin batera, Guillermo Etxenike numeroa eta Jesus Etxenike eta Xabier Ripa laurdenak aritu ziren talde txapeldunean. Azpitxapeldun izan zen Irurita A taldean, berriz, Jorge Azkarate sakalaria, Miguel Bidegain numeroa eta Igor Urrutia eta Iñaki Etxandi numeroak aritu ziren. Alberto San Miguel Oizko alkatea, Txuma Prim iruritarra eta Juan Mari Artazkoz doneztebarra izan ziren epaile eta Oizko Joaquin Zia aritu zen marrak zaintzen.
Tiburtzio Arraztoak azaldu zuenez, lehen aldia izan zen Iruritako bi taldek elkarren kontra jokatzen zutela finalean, baina herri bereko taldeen arteko finalak izan dira lehen ere. Zehazki, doneztebarren arteko hiru final izan dira. Arraztoak txapelketaren balorazio ona egin zuen: «Balorazioa egiten ahal badugu seinale ona da, duela 31 urte hasi ginenean modalitatea mantentzea baitzen gure helburua. Heldu den urtean Doneztebeko bertze bi talde izanen ditugu».
Hirugarren posturako norgehiagokan, bertzalde, Doneztebe Ak 9 eta 7 irabazi zion Oiz Bri. Donezteberekin Santi Mindegia, Pascual Bertiz, Jokin Arraztoa eta Koldo Legarra aritu ziren eta Oizekin Jokin Ziganda, Iker Bereau, Ugutz Zelaieta eta Jose Agustin Mindegia.
TXAPELDUNAK
1980 IRURITA
1981 DONEZTEBE
1982 DONEZTEBE
1983 OIZ
1984 OIZ
1985 DONEZTEBE
1986 DONEZTEBE
1987 DONEZTEBE
1988 OIZ
1989 DONEZTEBE
1990 OIZ
1991 IRURITA
1992 DONEZTEBE
1993 IRURITA
1994 DONEZTEBE
1995 DONEZTEBE
1996 DONEZTEBE
1997 DONEZTEBE
1998 DONEZTEBE
1999 ARRAIOZ
2000 DONEZTEBE
2001 ARRAIOZ
2002 IRURITA
2003 DONEZTEBE
2004 IRURITA
2005 DONEZTEBE
2006 DONEZTEBE
2007 IRURITA
2008 DONEZTEBE
2009 ARRAIOZ
2010 IRURITA