Seniorren mailan, bi talde izanen ditu denboraldi honetan Errekak. Lehenbiziko taldea, iazko jokalariekin osatutakoa da eta Dani Urroz izanen da entrenatzailea. Dena den, hiru jokalari garrantzitsuk taldea utzi eta Lehen Maila Nazionalean ariko dira: Pascual Bertiz Sanco Anaitasunan, eta Ibai Marizkurrena eta Javi del Villar Atarrabiako Beti Onak taldean. Eta bigarren taldea Juanjo Ramosek zuzenduko du eta jokalariak iaz jubeniletan aritu zirenak dira.
Mindegia eta Meoki Ohorezko Mailan
Niko Mindegiak eta Ibai Meokik Amaya Sport San Antoniorekin Ohorezko Mailan jokatuko dute aurtean. Taldeak izanen dituen bi nafar bakarrak dira eta hara non, biak Doneztebekoak eta Erreka Kirol Elkartetik ateratakoak dira.
Denboraldi honetan, beraz, herriko bortz jokalari izanen dira maila nazionaletan: bi Ohorezko Mailan (Meoki eta Mindegia) eta hiru Lehen Maila Nazionalean (Bertiz, Marizkurrena eta