Gaur arratsaldean erabakiko da Julen San Migel Doneztebeko erremontista gazteak nor izanen duen Casino Kursaal Torneoko finalean kontrario: Migel Mari Urrutia saldiastarra edo Koteto Ezkurra doneztebarra. Bi horiek dira aukera haundienak dituztenak.
Kotetok Ibon Agirrezabala Matxin IV.aren kontra jokatuko du gaur arratsaldean Hernaniko Galarreta pilotalekuan (16:00). Irabazten badu, torneoko bere hamabigarren finala jokatuko luke. Galduz gero, berriz, Migel Mari Urrutia sailkatuko litzateke. Matxin IV.ak, aldiz, zaila du finalean aritzeko aukera lortzea, horretarako 30-0 irabazi beharko bailuke. Urrutiak 30-12 irabazi zion Matxin azkoitiarrari, baina Ezkurraren kontra 30-24 galdu zuen.
Sailkatzen denak larunbateko finalean Julen San Migelen aurka jokatu beharko du.