Herriko besten lekukoa Legasak, Berako Agerrak, Elizondoko Txokotok eta Artikutzak hartuko dute asteburu honetan. Herriz herri, hona hemen egun bakoitzeko egitaraua.
Agerrako bestak
Abuztuak 27, ortzirala
17:00etan 14 urtetik beherakoentzako futbito txapelketa; 19:00etan gazteen frontenis txapelketaren finala; 20:00etan altxaferoa; Ondotik haur eta helduen danborrada Izadi txarangaren laguntzarekin; 21:30ean auzo afaria.
Abuztuak 28, larunbata
09:30ean Berako VI. 3X3 saskibaloi txapelketa; 12:30ean erraldoi eta buruhaundiak trikitilarien laguntzarekin; Ondotik frontenis txapelketako finala; 15:00etan haur jokoak; 18:00etan Manttale taldearen laguntzaz antolaturiko kros herrikoia (XXVIII. Luis Mª Apeztegiaren Oroigarria); 20:30ean Gure Txokoa Dantza Taldearen dantzaldia; 00:00etatik aitzinera Jalisko Bandekin dantzaldia.
Abuztuak 29, igandea
12:00etan Meza; Ondotik erraldoi eta buruhaundiak txistulariekin; 14:30ean herri bazkaria; 18:00etan Eriz magoaren emanaldia; Ondotik txokolatada; Ilunabarrean Jalisko Bandekin dantzaldia.
Legasa
Abuztuak 27 Ortzirala, (bezpera)
11:00etan Haur jokoak eta tailerrak; 17:00etan haur jokoak eta tailerrak; 19:00etan Buruhaundiak, erraldoiak eta Mifa fanfarrea; 20:00etan Suziria eta tanborrada; 21:30ean Zopak. 00:00etan kontzertuak: Komando Kastaña, Etnia eta Salaberri.
Abuztuak 28, larunbata (San Agustin Eguna)
07:00etan Aurora; Ondoren gosaria herriko plazan; 12:00etan Meza; Ondotik luntxa Herriko Etxeko atarian; 17:00etan Aizkora apustua eta artisauak herriko plazan; 20:00etan Dantzaldia Garraxiren eskutik; 22:00etan Gazte afaria eta elektrotxaranga; 23:30ean Kontzertua Marianitoz blai; Ondoren Garraxi taldearekin dantzaldia.
Abuztuak 29 igandea
10:00etan Puzgarriak; 11:00etan Falkoneria, hegazti erakustaldia; 17:00etan Hegazti erakustaldia; 19:00etan Gastronomia lehiaketa; 20:00etan dantzaldia Trikidantz taldearekin.
Abuztuak 30, astelehena
Goizean mus txapelketa; 14:00etan Zikiro jatea; Ondotik Arkaitz eta Miriamekin kantu eta dantza; 19:00etan Jose DJ-a
Txokoto
Abuztuak 27, ortzileria
20:00etan txupinazoa; Ondotik erraldoi eta buruhaundiak eta txistulari eta txalapartariak; 21:00etan Baztan Zopen dastaketa; 21:30ean Mutildantzak eta dantza herrikoiak; 23:30ean rock kontzertua: Aizkor Erauntsia eta Eraite taldeekin.
Abuztuak 28, launbeta
11:00etan argisoinuak txistulari, erraldoi eta buruhaundiekin; Ondotik bonba japoniarrak Maurizio eta Felix plazan; 12:00etan pilota partida Trinketean; 13:00etan kontzertua; 14:00etan zikiro-jatea; Gero fanfarrea eta jokoak; 20:30ean dantzaldia Baleike taldearekin; 23:00etan su artifizalak Jaunikotena pirotekniarekin; 23:30ean dantzaldia Baleike taldearekin; Akitzeko DJ Mokordo eta Tirriteri.
Urteko hitzordu nagusia Artikutzan
Larunbatean, abuztuak 28, zaindariaren eguna ospatuko da Artikutzan: San Agustin Eguna. Gure eskualdeko jende aunitzentzat, Goizueta, Arantza eta Lesakakoentzat adibidez, hutsik egiten ez duten hitzordua izaten da. Hortaz, aurten ere, egun osoko egitaraua antolatu dute. Aipatu, bertzalde, egun hau izaten dela Artikutzak ateak irekitzen dituen urteko egun bakarra.
11:00etan meza eginen da eta ondotik hainbat pilota-partida jokatuko dituzte Oiartzun eta Goizuetako eskoletako pilotariek. 16:30ean Andoni Egaña eta Sustrai Kolina bertsolarien saioa izanen da eta 18:00etan herri kirolak izanen dira ikusgai. 19:00etatik aitzinera, Naima taldearekin dantzaldia izanen da. Ekitaldi horiez gain, artisautza produktuak eta herriko bertze hainbat produktu dastatzeko aukera ere izanen dute bisitariek. Bi ostatu ere zabalduko dira.