Uztailaren 8an Iruñean jokatu zen Nafarroako III. Mailako Aizkora Txapelketako kanporaketan sailkatutako lehen bortz aizkolariak ariko dira lehian igande honetan, abuztuak 29, Arazurin jokatuko den finalean. Jose Antonio Loiarte Mutuberria (Zubieta), Asier Pellejero Otermin (Areso), Goizeder Belza Igoa (Etxarri Aranatz), Raul Kastro Ezkurra (Urroz) eta Iban Resano Igoa (Ergoiena) ariko dira 13:00etatik aitzinera eginen den finalean.
Aizkolari bakoitzak bi kanaerdiko eta bi 45 ontzako enbor moztu beharko ditu eta lehen bi sailkatuak mailaz igoko dira.