N-121A errepidetik Sunbillara ateratzeko edo herritik errepide nagusira ateratzeko bidegurutzeari aterabide duina ematea eskatuz, hirugarren errepide mozketa eginen dute sunbildarrek ortzegunean, abuztuaren 5ean, 11:30etik 12:00etara. Beraz, ekainean eta uztailean egindako mozketak ordu laurdenekoak izan baziren ere, oraingoan ordu erdiz itxiko dute errepidea, ordu laurden bat Iruñerako norabidean eta bertze ordu laurdena Irunerako norabidean.
Jakina denez, Nafarroako Gobernuak aurkeztu duen irtenbideak, esperatzeko erdiko karril proposatzen du. Sunbildarrek, aldiz, lotura errepidearen azpiko aldetik edo gaineko aldetik egitea eskatzen dute.
Oraingoz, Nafarroako Gobernuak ez die sunbildarren eskakizunei erantzun eta hauek mobilizazioekin segituko dute.