Uztailaren 30ean, ortziral arratseko 20:00etan bota zen altxaferoarekin hasi ziren Beintza-Labaiengo bestak. Ekitaldiz betetako asteburuaren ondotik, hondar egunak falta zaizkie.
Astelehen arratsean tortilla eta postre lehiaketa
Abuztuaren 2an, astelehenean, Labaienen izanen dira ospakizunak. 11:00etan Kalejira izanen da txistulariekin eta ordu berean Plater-tiroketa. 17:00etan Mus txapelketa jokatuko da. 21:00etan Tortilla eta postre lehiaketa izanen da. Arratsaldez eta gauez dantzaldia Joxe Angel akordeoilariarekin.
Asteartean bertso bazkaria
Abuztuaren 3an, asteartean, Beintzan izanen dira ekitaldiak. 11:00etan Kalejira txistulariekin. Eguerdian Herriko aizkolariak ariko dira. 14:00etan bertso-bazkaria izanen da Maialen Lujanbio eta Amets Arzallus bertsolariekin. Bazkal ondoren karrikaz-karrika erronda eginen da txistulariekin. Arratsaldez eta gauez dantzaldia Joxe Angel akordeoilariarekin. Gauerdian Gaixoa ni, bestei bukaera emanez.