Igande honetan, Euskal Herriko II. Mailako Aizkora Txapelketako kanporaketa jokatuko da Elizondoko Laxo Plazan, 19:30ean hasita. 12 aizkolari lehiatuko dira: Manuel Kañamares (Nafarroa), Xabier Mindegia (Beintza-Labaien), Ander Erasun (Aurtitz), Arkaitz Olano (Leitza), Oihan Larretxea (Bera), Fausto Mugertza (Gipuzkoa), Aratz Mugertza (Gipuzkoa), Ugaitz Mugertza (Gipuzkoa), Jose Mª Telletxea (Gipuzkoa), Jose Ugarteburu (Gipuzkoa), Jabier Aranberri (Gipuzkoa) eta Jesus Mª Lasa (Gipuzkoa).
Aizkolari bakoitzak hiru kanaerdiko, 60 ontzako bat eta 72 ontzako bertze bat moztu beharko ditu. Eta kanporaketan sailkatzen diren lehen sei aizkolariak Doneztebeko Ferietan jokatuko den finalean ariko dira.
Bertzalde, abuztuaren 29an Arazurin jokatuko da Nafarroako III. Mailako Aizkora Txapelketa, eta han ariko dira eskualdeko hiru kirolari: Jose Antonio Loiarte (Zubieta), Asier Pellejero (Areso) eta Raul Kastro (Urroz).