Beran jokatuko den jardunaldiarekin hasiko da Herriz Herri Txapelketa

Abuztuaren 1ean Beran jokatuko den lehen jardualdiarekin emanen zaio hasiera He­rriz He­rri herri kirol txapelketari. Lau taldek parte hartuko dute: Bera, Berriozar, Basaburua (Baztan) eta Ultzamak, eta bi konbinadetan ariko dira.
Lehendabiziko proba kon­bi­na­­tuan hiru jardunaldi eta finala jokatuko dira eta saioetako hiru talde onenek lortuko dute finalerako txartela. Txokor bil­tzea, zakua, lasterka  eta arpana sar­tzen dira lehen proba honetan.
Bigarren proba konbinatuan, berriz, lasto botatzen, txinga-era­maten eta in­gude-altxa­tzen ariko dira kirolariak. Kasu honetan, liga sistema erabiliko denez, lau jardunaldietako puntuak batuko dira. Azken jardunaldian berdinketa egonez gero, berdinketa proba baka­rrean hau­tsiko da eta zoz­keta bidez aukeratuko da berdinketa hausteko zein proba eginen den.
Beran, abuztuaren 1ean, 19:30ean eginen den lehenbiziko jardunaldiaren ondotik, biga­rrena Arantzan eginen da abuztuaren 14an, 19:30ean; hirugarrena abuztuaren 21ean Elizondon, 19:30ean, eta finala abuztuaren 28an jokatuko da Berrioza­rren.