Bere lehen eleberri historikoa idatzi eta aurkeztu du berriki Jean Sauvaire senpertarrak. Marguerite et Wellington izena eman dio eta Napoleon denborako gerletan 1813. urtean gure herrian iragan zen amodio historia aipatzen da liburuan. Eleberria frantsesez idatzia da baina aipagarria da duela urte batzuk Senperen finkatu zen gizon hunek euskara ederki ikasia duela.
Bertzalde, ondoko asteetan bertze senpertar batekin lotua den liburua agertuko da, aldi huntan euskaraz. Andoni Iturrioz euskaltzale ezaguna bere aita zenaren biziari buruzko lan bat prestatzen ari da kusin baten laguntzarekin, Joxemari Iturriozekin, hain xuxen. Manuel Iturrioz – Orexa 1902 – Donostia 1991 – Borrokalari baten bizipenak deituko da laster agertuko den liburu hunkigarria. Udazkenean berriz aipatuko dugu lan balios hau.