Udan ere, herrian erosten dutenak saritzeko helburuarekin, bertze fideltasun kanpaina bat abiatu zuen joan den astean Doneztebarrak Merkatarien Elkarteak. Abuztuaren 21era bitarte, elkarteko kide diren komertzioetan txartel bat banatuko da, eta 12 denda desberdinetan egindako erosketen zigiluarekin bete beharko da. Jasotzen diren txartel guztien artean, abuztuaren 21ean 200 euroko 10 bale zozketatuko ditu merkatarien elkarteak.