Lesaka, Aldude, Elizondo, Auritz... Eta aurten Sunbillan. Azken urteotan Ameriketan artzain ibilitako euskaldunen besta egiteko gure herria aukeratu dute aurten. Irailaren 19an izanen da baina dagoeneko Udala eta Sunbildarrak Ameriketan Elkartea burubelarri dabiltza hori antolatzen.
Txartelak erosteko tokiak
Txartelak aitzinetik hartu beharko dira. Igande honetan, uztailak 25, paratuko dira salgai eta abuztuaren 28ra arte egonen da erosteko aukera.
Horretarako toki edo pertsona hauengana jo beharko da: Ordoki erretegia (Arizkun); Juan Bautista Oteiza (Arraioz); Felix Almirantarena (Orbaitzeta); Julio Jorajuria (Iruñea); Santiago Ugalde (Zubieta); Laura Iantzi (Bortziriak); eta Jesus Mª Jorajuria (Sunbilla).
Irailaren 19rako antolatu duten egitaraua eguna hurbildu ahala emanen dugu.