Uztailaren 23tik 25erako asteburuan Alemanian ariko da Mariezkurrena

Denboraldi ona egiten ari da Jabier Mariezkurrena Doneztebeko kamioi-gidaria. Momentuz, Europako Txapelketan, sailkapenean hamargarrena da Truck Navarra Competicion taldeko gidaria, eta hurrengo hitzordua Alemanian izanen du, Nürburg-en. Uztailaren 23, 24 eta 25ean jokatuko da. Azkeneko saioa, be­rriz, etxe­tik hurbil, Fran­tzian egin zuen, Nogaroko Sari Nagusian. Asteburu gazi-gozoa izan zen.
Larunbateko sailkapen probetan, zortziga­rren postua lortu zuen Mariezkurrenak, orain arteko sailkapenik onena errepikatuz. Lehenbiziko lasterketan ere itxura onarekin hasi zen, baina zenbait gorabehe­ra tarteko, hamabortz­garren. akitu zuen. Bigarren lasterketa ere ez zen sobera ongi joan: ateratzerakoan tronpoa egin eta azkena gelditu baitzen, buel­ta erdi gibeletik. 16. posturaino aitzineratzea lortu zuen, baina hortxe gelditu zen. Denboraldiko probarik kaxkarrenak izan ziren, punturik gabe eta akats aunitzekin.
Igandeko sailkapen proban, ordea, zazpiga­rren postua lortu zuen doneztebarrak, superpolerako sailkatuz eta hemen  hamargarren. izan zen. Asteburuko hi­ru­garren karreran, bede­ratziga­rren postua lortu zuen. Eta asteburuko lauga­rren lasterketan, Truck Navarra Competicion taldeak laugarren postua lortu zuen Nogaroko Sari Nagusian, orain­ arte Europako Txapelketan inoiz lortutako sailkapenik onena.