Hiru garaipen eskuratu dituzte zonaldeko kirolariek Iparraldeko Torneoan

Hiru jardunaldi jokatu ondotik, ekainaren 27an bukatu zen Ipa­rraldeko Joku Torneoa. Sei herri kirol modalitatetan aritu dira kirolariak, tartean, eskualdekoak andana, eta sari gehienek ere hemen bukatu dute.
Txokor biltzen, Fernando Etxegarai beratarrak bigarren postua eskuratu du; Patxi Irazoki igantziarra hiruga­rren izan da eta Unai Iantzi aniztarra bosga­rren.
Ingude altxatzen, berriz, hiru jardualdietako jasoaldiak batuta, Joakin Aioroa iturenda­rra izan da nagusi; Xabi Sein igantziarra bigarren izan da eta honen lehengusu eta he­rritarra den Karlos Sein hirugarren.
Harri-altxatzen, Lei­t­zara joan den lehenbiziko postua. Josetxo Urru­tiak irabazi du; eta Xabier Ariztegi etxala­r­tarra, berriz, hirugarren gelditu da.
Lasto altxatzen, hiru igantziarren arteko lehiaren ondotik, Xabi Seinek eskuratu du txapela; bigarren Iñaki Bereau izan da eta hirugarren Karlos Sein.
Txinga-eramaten, azkenik, Josetxo Urrutia bigarren gelditu da.
Eskualdeko kirolariek parte hartu ez duten modalitatea zaku-lasterketa izan da.