Josetxo Ezkurraren omenez, 20. urtez antolatutako pilota txapelketak eman du aurtengoa eta finalak ekainaren 20an jokatu ziren Donezteben. 188 pilotarik parte hartu dute Txaruta Pilota Elkarteak antolatutako lehia honetan, 26k ttikien mailan, 38k umeetan, 38k kimuetan, 48 haurretan, kadeteetan 22k eta gazteetan 16k.
Ttikien mailan, Lesakako Asier Larralde eta Arizkungo Eki Larraldek 18-14 irabazi zieten Berako Asier Telletxea eta Josetxo Seseri.
Umeen B mailan, Lesakako Josu Elizondo eta Jon Leizak 18-13 irabazi zieten Aimar Otxoteko eta Mikel Galardi herritarrei. Umeak A mailan, Goizuetara joan zen txapela. Antton Apezetxea eta Aitor Aizkorbek 18-14 irabazi zieten Berako Mikel Elzaurdia eta Yago Kanterori.
Kimuen B mailan, Lazkaora joan zen garaipena. Elizondoko Ander Zelaieta eta Aritz Merinok 18-6 galdu zuten. Kimuen A mailan, Oronozko Enaitz Antsok eta Sunbillako Iker Espelosinek 18-11 garaitu zuten Burlatako bikotea.
Haurren B mailan, Berako bi bikote aritu ziren. Baina garaipena, Andoni Lazkanotegi eta Eñaut Larratxerentzat izan zen, 18-10 irabazi baitzieten Julen Palenzuela eta Xabier Mendiri. Haurren A mailan, Narbarteko David Albiasuk eta Uharteko Aritz Goñik 18-5 irabazi zuten Tafalla eta Donibaneko bikotearen aurka.
Kadeteetan, Elizondoko Dario Trantxe eta Igoako Beñat Alberro atera ziren txapeldun. 18-10eko markagailuarekin utzi zituzten Arkaitz Untxalo iturendarra eta Iban Inda amaiurtarra.
Eguneko azken partidan, gazteen mailan, Oronozko Joseba Arizmendi eta Andoaingo Ulangak 22-9 irabazi zioten Usurbilgo bikoteari.
Aurtengoa txapelketaren XX. edizioa izan da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun