Karrikako besten ondotik, orain Amotzeko bazterrak alaituko dira Madalenen karietarat

Jondoni Petrikari bes­tak bururatu dira eta aurten ere animazio ederrez gozatu ahal izan da bortz egunez. Aro iduzkitsua lagun, egun biziki atseginak ospatu dira. Igandeko herrita­rren bazkaria ederki alaitu zuten Amets Arzallus eta Sustrai Colina ber­tsulariek, eta ondotik Artxeluak senpertar gazteek osatzen duten kantari taldeak. Guk, El­tzegor eta Michel Labéguerie-ren zonbait kantu eskaini zituzten. Euskal kulturaz ongi gozatu eta, astelehenean saltsa eta capoiera doinuak nagusitu ziren ka­rriketan giro gaitza sortuz oraingo eta lehenengo gazteen artean.
Besta komiteak nahi baino jende gutiago bildu bada ere, aitortu behar da herriko bestak gero eta atseginagoak direla.
Maila haundiko musikariak Amotzen
Karrikako besten ondotik, Amotzeko gaz­teak ariko dira orain­ lanean... eta bes­tan, Madalenen kari. Uztailaren 14, 16, 17 eta 18an ez da animaziorik falta izanen Amotze auzoan.
Usaian bezala, lehen eguna Larraldea base­rriaren inguruan ospatuko da mus eta pentaka zoingehiagoekin, herri bazkari batekin eta ahate-joko ikusgarriarekin. Pilota eta musika nagusituko dira ondoko egunetan, bertzeak bertze, Betagarri eta Larzenak taldeekin, eta Dominika eta Niko Etxart­ eta Pipas Larrandaburu; Brave, Bessonart eta Lascano kantariekin.
Besta ederrak hauek ere dudarik gabe gazteriarentzat. Ede­rrak eta hunkigarriak, ainitzek gogoan izanen baitituzte Xabi Camino Togorat gana den amoztar gaztea eta Bixen­te Lopez gan den neguan Tolosan istripuz hil zen 19 urteko amoz­tarra.