Uda gainean dugu eta herriko bestak arte bertze itxura bat hartuko du gure herriak, kanpoko jende aunitz ibiliko baita han eta hemen. Hori dela eta Turismo Bulegoak eta herriko hainbat elkartek bestak, erakusketak eta hainbat ekitaldi prestatu dituzte turistentzat, baina baita hemengo jendearentzat ere.
Igandean berean artisau eta gastronomiaren lehenbiziko azoka eginen da, eta ondoko larunbatean Zazpiak Bat dantza taldeak urteko erromeria ospatuko du, uztailaren 17an, hain zuzen ere. Ondoko larunbata ere, uztailaren 24a, plazatik itzuli bat egiteko egun polita izanen da bertze behin Pottokaren Eguna gure herrian ospatuko baita. Biharamuean kermeza eginen da, igandearekin. Azkenik, uztaileko azken larunbatean errugbi taldearen erromeria izanen da.
Horrez gain, baina gure kultura ezagutzen ez dutenentzat gehiago, dantza, pilota, herri kirol eta kantu ikuskizunak izanen dira astetartez. Berezitasun gisa, berriz, uztailaren 28an Saguzarren gaua ospatuko da leizeetan. Behaketa egiteaz gain, animali horiek ongi ezagutzen dituzten profesional batzuek azalpenak emanen dituzte haien bizi eta usaiei buruz.
Nabarmentzekoa da, azken urte hauetan bezala, merkatua izanen dela ostegun guziz herriko edo behintzat hurbileko eguneroko produktuekin: barazkiak, gasnak eta abar.