Oronoz - Mugairiko zentrotik kudeatzen diren eskualdeko errepideen mantentze lanetarako 10.454.096 euro onartu ditu Nafarroako Gobernuak. Hala, Bortzirietatik Baztanerako errepideetan inbertituko da diru kopuru hori. Dena den, lau urtetan gastatzeko izanen da: 2.425.474 euro 2011ko aurrekontutik bideratuko dira, 2.546.748 euro 2012ko aurrekontutik, 2.674.085 euro 2013kotik eta gainerako 2.807.789 euroak 2014kotik. Istripu eta larrialdi kasuen arreta, seinalizazioak, garbiketa lanak, konponketak, zoladurak, elurra eta izotzaren garbiketa... Gisa horretako lanetarako erabiliko da Gobernuak ekainaren 21ean onartu zuen diru-partida.