Inoiz baino ume gehiago etorriko dira aurten Saharatik uda pasatzera

Azken urteotan beza­la, bisitan izanen ditugu Saharako haurrak uda ho­netan. Ortziral honetan, uztailak 9, ailegatuko dira, eguerdi aldera, eta gainera, inoiz baino gehiago etorriko dira: 17 neska-mutiko. Horietatik lauk Ma­le­rrekan pasako dute uda  –Iturenen eta Zubietan bana eta bik Sunbillan–; bik Bortzirietan –bana Beran eta Etxala­rren–; bederatzik Baztanen –bina Erra­tzun, Ariz­kunen eta Elizondon eta bana Azpilkuetan, Elbeten eta Oronozen–; eta bik Lei­tzan –biak familia batek hartuko ditu–. Saharaz­tan Baztan Bidasoako Saharar He­rriaren Aldeko Elkartasun Taldearen eskutik etorriko dira Baztan Bidasoa aldera, eta Lei­tzaren kasuan, Gizarte Zerbitzuen laguntzarekin. Azken honetatik adierazi digunez, «aurten haurrak ekartzea oso garestia izan da». Haur ba­koitza 792 euro kosta baita.

Zenbaki sarituak
Saharako haurrak ekartzeko dirua lortzeko zozketa egin du aurten ere Saharaztanek eta hauek dira zenbaki sarituak.
Arizkunen, Uxoa ja­te­­txean otordua irabazi due­na 3.128 zenbakiaren jabea izan da; Ordoki likorerian 3.060 eta Bixta-eder jatetxean 2.423. Elbeteko Ostatuan 1.497. Elizondon, Galarzan 0174; Eskisaroin 4.035; Kortarixarren 2.041 eta Itza­lar­gi­ko­­bor­dan 0656. Gar­tzain­en, Fran­tsenen 3.700. Leka­rozen, La­rral­dea sagardotegian 1.325. Mugai­riko Pie­rre­­senean 3.438.
Donezteben, Bela­rra jatetxean, 3.789. Donamariako Herriko Os­ta­tuan 1.450 eta Donamariako Bentan 4.091. Oiz­ko Ostatuan 2.252. Bein­tzako Ostatuan 2.049. Iturenen, Herriko Ostatuan 3.147 eta Altxunea erretegian 0557. Etxa­lar­ren, He­rri­ko Ostatuan 3.758 eta Elutsan 0216. Beran, Errekalden 0744 eta Zubiondon 3.962. Zubietan, Herriko Ostatuan 3.259. Lesakan, azkenik, Bereau hotelean 1.068.
Bakoitzak bi per­tso­nendako afaria edo baz­karia izanen du dagokion jatetxean eta bi hilabeteko epea otordua egite­ko. Joan baino lehen deitu beharko da.