45 entitatek lortu dute Bai Euskarari Ziurtagiria Malerrekan

Joan den urte akabailan jarri zen abian Male­rrekan Euskaraz bai dina­mika, eus­ka­­raren normalizazioa modu parte-har­tzailean bizkortzeko helburuarekin. Ordutik honat, Bai Euskarari Ziurta­giria ezagu­tzera ematen eta eskual­deko establezimendu eta elkarteak bisitatzen aritu dira.  Eta lan es­kerga horren ondorio dira ekainaren 18an Donezteben banatu ziren Ziurtagiriak. Malerrekako 45 entitatek eskuratu dute guztira Bai Euskarari Ziur­tagiria, eta horietatik 44 berriak dira. 10ek Zerbi­tzua euskaraz maila eskuratu dute, eta gainera­ko 35ek Euskararen bidean maila.
Malerrekako euskalgintzak urte batzuk daramatza eskualdean euskararen erabilera bultza­tzen: «Baina pausu bat haratago emateko ordua ailegatu zela ohartu ginen, horregatik jarri genuen mar­txan­ Euskaraz bai dinamika 2009ko urria­n», azaldu zuen Jo­se­ba Indabere Malerrekako euskalgin­tzaren ordezkariak ziurtagirien banaketa ekitaldian. Eta gaineratu zuen ekainaren 18­koa «egun pozga­rria» izan zela Bai Euskarari Ziurtagiriarekin posible izanen delako Malerrekan euska­razko zer­bi­tzuak eskuratzea. Esker ona adierazi zien Ziurtagiria eskuratu duten 45 entitateei eta he­rri­tarrei ere dei egin zien eus­kara erabil dezaten egu­nero­koan: «Ez dugu ahan­­tzi behar guk, he­rritar zein­ bezero gisa, euskararen aldeko apustuari eutsi behar diogula. Euskaraz bizitzeko ja­rre­ra gure egin eta indartuz gero, euskararen normalizaziotik hurbilago izanen gara. Horixe da bidea».
Rober Gutiérrez Ziur­tagiriaren Elkartearen zuzendariak, bere aldetik, zoriondu egin zituen Ziur­tagiria lortu zuten 45 entitateak: «45 Ziur­tagiri banatu ditugu eta kopurua ga­­rran­tzi­tsua da, eta be­ne­tan pozgarria. Baina are ga­rrantzitsuagoa da ho­rren atzetik dagoen lana: egunez egun ema­ten­ dituzuen urra­tsak, lor­tzen dituzuen helburuak eta zuen konpromi­soaren bitartez egune­ro­koan eragiten duzuena».