Hilabete hasieratik egunero elkartzen dira neska-mutikoak eskolako beheko solairuan, goizak modu dibertigarrian pasatzeko. Astelehenetik ostiralera, 09:30etik 12:30era egiten dute hitzordua hamar bat gaztetxok, Leire Bazterrika herritarra eta Ixiar Bazterrika iturendarra begirale dituztela.
Oraingoz, uztaila akitu arte eskaintzekoa da ludoteka, baina baliteke luzatzea. Joan den urtean, esaterako, gurasoak eta haurrak gustura zeudela-eta, hasieran uztailean bakarrik egitekoa zena abuztuan ere egin zen. Ikusiko da, beraz, aurtengoa nola joaten den. Bitartean, jokoak, ateraldiak, marrazkiak eta abar egiten segituko dute.
Aurrekoetan bezala, Leire eta Ixiar dira begiraleak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun