Ez du geldirik egoteko asmorik Erreka Kirol Elkarteak eta denboraldia akitu orduko, bertzelako eginkizunei ekin die Udalaren laguntzarekin. Aurten hamargarren aldiz, Udako Kirol Eskola antolatu du. Eta herriko zein inguruko neska-mutikoek hainbat kirol jarduera egiteko aukera izanen dute hilabete batez.
Uztailaren 12an hasiko dira ikastaroak eta abuztuaren 6an akitu, eta astelehen, asteazken eta ortziraletan izanen dira –uztailaren 23ko klasea asteartearekin, hilak 20, eginen da–. Lehenbizko taldea 11:00etatik 12:00etara ariko da eta bigarrena 12:00etatik 13:00etara. Ikastaroko jarduerak eskoletako frontoian eta kiroldegian izanen dira.
Izen-ematea
Interesatuek izen-ematea ortziral honetan, uztailak 9, egin beharko dute, 11:00etan frontoian. Prezioari dagokionez, joan den urteko berdinak dira: 33 euro bazkideek eta 36 euro bazkide ez direnek.
Haurren begiralea, berriz, Ainara Marizkurrena izanen da.