Doneztebeko Erreka pilota eskolako III. buruz buruko txapelketaren finalak jokatu ziren ekainaren 11n Donezteben.
Aurrebenjamin B mailan, Ander Arozenak 18-13 irabazi zion Ander Ruizi eta A mailan, Urko Oiartzabalek 18-11 Pello Seini.
3. mailako benjaminetan, Ruben Saldias 18-12 nagusitu zitzaion David Mitxeori; 2. mailakoetan, Jon Zabalak 18-16 irabazi zion Aimar Zestauri; eta lehen mailako benjaminetan, Ibai Erasunek 18-7 Ioritz Zelaietari.
Alebinetan, Julen Saldiasek 18-12 irabazi zion Julen Larretxeari; eta infantiletan, Aritz Fagoaga 18-17 nagusitu zen Iker Salaberriaren kontra.
Kadete mailan, Ibai Juanenak 18-16 irabazi zion Ugaitz Elizalderi; eta jubeniletan, Mikel Maiak 18-10 Irail Zestauri.
Finalen ondotik sari banaketa egin zen eta irabazleek txapela, azpitxapeldunek kopa eta parte-hartzaileek oroigarriak hartu zituzten. Sariak banatzen, bertzeak bertze, Oinatz Bengoetxea eta Iñaki Eskudero pilotari profesionalak aritu ziren.
Hainbat kategoriatan bederatzi final egin dira
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun