Interes haundia sortu du eskualdean Eratsungo mendian lurperatu zituzten makiei buruz TTIPI-TTAPAn informazioa argitaratzeak. Gertaera triste hura argitzea da helburua.
Duela bost urte Aranzadi Zientzia Elkarteko arduradunak makiak lurperatuak izan ziren ingurua aztertzera etorri ziren, eta Lurdes Juantorena eratsundarrarekin egindako elkarrizketaren bideoa ere argitaratu zuten. Lurdesek gertaeraren berri eman zien Aranzadikoei, berari amak kontatu bezala.
Berriz izan gara lurperatutako tokian eta lekua bat dator. Antza denez, makiak bereizita sartu zituzten hilobietan.
Eratsundar batzuen hitzetan, makietako bat Gernikakoa (Bizkaia) zen, eta badirudi medikua zela eta ezkondua zegoela. Hil aurretik bere familiari eskutitza bidaltzeko baimena eskatu omen zuen, baina ez zioten utzi.
Gure lurretan lurperatu zituzten makiekin gertatu zena argitu nahi da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun