Manttale Mendi Lasterketa taldea Nafarroako txapeldun suertatu zen ekainaren 13an, VII. Lakuntza-Aralar lasterketaren baitan burutu zen Nafarroako klub arteko txapelketan. Izan ere, Manttaleko Unai Santamaria hernaniarrak irabazi zuen proba eta bertze hiru korrikalari, Joxelu Loiarte beratarra (13.), Rafa Maritxalar lesakarra (14.) eta Patxi Irazoki igantziarra (15.) batera sartu ziren. Honela, Manttalek 318 puntu eskuratu zituen, Aralar Mendik 283 eta Dantzaleku Sakanak 260 puntu.
226 korrikalarik hasi zuten 28 kilometro terdiko proba, 2.308 metroko desnibelarekin. 1.430 metroko altuera duen Irumugarrieta igo behar izan zuten, baina jautsiera oraindik arriskutsuagoa izan zen, behelainoaren ondorioz.