Udaberriko sasoi hau musikaz gozatu eta gozatuarazteko asmoz, Mendi Abesbatzako kideek bi kontzertu antolatu dituzte aste hondar honetarako. Lehendabizikoa ekainaren 4ean, ortziraleanm izanen da Doneztebeko Elizan, meza ondotik. Bigarrena berriz, biharamunean, ekainaren 5ean, Sunbillako Elizan, hau ere meza ondoan.
Bi kontzertu hauetan Mendi Abesbatzakoek Polifonia eta Folklore sailetako hainbat kantu eskainiko dituzte, tartean bakarlariak eta instrumentu laguntzak ere izanen direlarik. Bertzeak bertze, berriki hildako Mikel Laboaren "Hegoak", Iparragirren "Hara nun diran" eta "Zibilak esan naute" eta Xabier Letek musikaturiko "Xalbadorren Heriotzean" kantuak eskainiko dituzte, bertaratzen diren guzien belarriak goxatuarazi asmoz.