Lehen fasea jokatu ondotik, maiatzaren 31n eta ekainaren 1 eta 2an jokatuko dira Erreka pilota eskolaren hirugarren txapelketako finalerdiak.
Lehenbiziko finalerdiak maiatzaren 31n, astelehenean 16:30ean jokatuko dira alebin mailan. Beñat Lazkano Julen Saldiasen kontra ariko da eta Julen Inda, Julen Larretxearen kontra. Segidan, 18:00etan infantil mailako finalerdiak jokatuko dituzte Aritz Fagoagak Jon Mikelarenaren kontra eta Iker Salaberriak Javier Saldiasen kontra.
Aurrebenjamin mailan, A multzoan, ekainaren 1ean, asteartean 16:30ean jokatuko dira finalerdiak: Pello Sein, Markel Leatxeren kontra eta Aitor Agesta, Urko Oiartzabalen kontra. B multzoan, Ander Ruiz, Joseba Juanotenaren kontra eta Ander Arozena, Enaitz Porturen kontra ariko dira.
Bigarren mailako benjaminetan, buruz buruko txapelketako finalerdiak jokatuko dira ondotik asteartean, 17:15ean. Aimar Zestau, Unai San Miguelen kontra ariko da eta Aimar Sarratea, Jon Zabalaren kontra.
Lehen mailako benjaminetako finalerdietan, Ibai Erasun Goio Mindegiaren kontra eta Ioritz Zelaieta Gorka Antuñaren kontra ariko dira.
Finalak ekainaren 11n jokatuko dira Doneztebeko pilotalekuan.