Nafarroa Garaiak irabazi zuen Herri Urrats egunean Senpereko aintzira inguruan jokatu zen Proba Konbinatuetako Herri Urrats Torneoa, finalean Bizkaia menderatuta. Lau herrialde aritu ziren lehian, sei kiroletan: lasto-jasotzea, trontza, txokor-biltzea, harri-altxatzea, txinga-eramatea eta ingude-altxatzea. Lehen norgehiagokan, Bizkaia Lapurdiri nagusitu zitzaion, eta bigarrengoan Nafarroa Garaia Gipuzkoari. Finalean, berriz, nafarrek segundo batzuetako aldea atera zieten bizkaitarrei. Nafarroa Garaiko taldea eskualdeko zazpi kirolari hauek aritu ziren: Iñaki Bereau (Igantzi), Mielanjel Sukuntza (Leitza), Patxi Irazoki (Igantzi), Igor Lasaga-Javier Galarregi (Bera-Etxalar), Karlos Sein (Igantzi) eta Josetxo Urrutia (Leitza).
Nafarroa Garaiarekin zazpi lagun aritu dira taldean
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun