18.000 euro hartuko ditu Udalak Nafarroako Gobernuko Enplegu Zerbitzutik, eta diru horrekin, bi langile kontratatuko ditu hainbat mantenimendu lanetarako: herriko karrikak eta paretak moldatu, bideak apaindu... Langileetako bat ofiziala izanen da eta peoia bertzea eta lau hilabetez ariko dira.
Obra gehiago
Espainiako Gobernuko E-Planaren bitartez hartuko den dirulaguntza, bertzalde, toki arriskutsuetan babes-hesiak paratzeko erabiliko da: Elutsako bidean eta Gaztainzabaltan, hain zuzen. Estatuko deialdi honetan 16.000 euro egokitu zaizkio Udalari eta obra hauek egiteko hiru eskaera egin bazituen ere, bakarrak aurkeztu zuen eskaintza: Sasoi enpresak. Beraz, berak eginen ditu lanak. Lerro hauek idaztean, oraindik lanean hasi gabea zen, baina Alberto San Migel alkateak erran zigunez, maiatzean hastekoak ziren.