Berako Toki-Ona Bortziriak saskibaloi taldeak bigarren urtez segidan mailaz igotzea lortu du. Asteburuan, Nafarroako senior lehen mailako lauko finala jokatu zuten Noaingo kiroldegian. Lau taldeetatik, finalera sailkatzen ziren biek lortuko zuten igoera. Larunbatean, etxeko taldearen kontra jokatu zuen Toki-Ona Bortziriak taldeak eta galtzen hasi bazen ere, azkenean markagailuari buelta eman eta irabazi egin zuen: Toki-Ona Bortziriak 81 – Asador Maya Noain 70
Bertze finalerdian, ligaxkan sailkapen buru izan zen AD San Juan taldeak 94 eta 77 irabazi zion Muthiko Alaiak taldeari.
Larunbatean helburu nagusia lortuta, igandean ligako txapeldun izateko partida jokatu zuten AD San Juanek eta Toki-Ona Bortziriakek. Ez zen ezusterako tarterik izan eta San Juanekoek 87 eta 54 irabazi zioten bortziritarrei. Halere, ligako txapeldunorde izatearekin eta igoerarekin, aski gustura zegoen Berako taldea.
Jesus Alacid beratarraren eta Imanol Etxeberria lesakarraren aginduetara honako jokalariak aritu dira denboraldi historiko honetan: Ion Irazoki Martikorena (Bera), Francisco Telletxea Otxoteko (Lesaka), Ignacio Delgado Ibarra (Irun), Imanol Etxeberria Garcia (Lesaka), Mikel Irazoki Belarra (Bera), Unai Bango Elizalde (Doneztebe), Iker Juarez Iraola (Bera), Borja Ezeizabarrena Bergaretxe (Irun), Unai Matas Susperregi (Irun) eta Unai Alacid Ortego (Bera).
Hirugarren posturako lehia estuan, Muthiko Alaiak taldeak 61 eta 59 irabazi zion Noain-i.
Gainerakoan, honako emaitza hauek utzi ditu kirol jardunaldiak:
FUTBOLA
Gipuzkoako Ohorezko mailan
UPV Vasconia 1 - Beti Gazte 1 (beraien atean)
Gipuzkoako jubenilen ohorezko mailako jautsiera fasean eta kopan
Beti Gazte 1 (Iker Telletxea) – Mondragon 2
Gipuzkoako jubenilen lehen mailako igoera fasean
Gure Txokoa 1 (Imanol Moreno) – Hernani 2
Nafarroako kadeteen bigarren mailako igoera fasean
CD Amigó 1 – Doneztebe 2 (Unai Arozena eta Lander Mindegia)
Nafarroako Infantilen lehen mailan
San Cernin 0 - Beti Gazte 4 (Koldo Ordax, Unai Telletxea, Kevin eta Jon Ubiria)
Doneztebe 0 – CD Atarrabia 0
Gipuzkoako infantilen kopan
Internacional 3 – Gure Txokoa 1 (Jon Mazizior)
Nafarroako Futbol-7 Alebinak
CD Irabia 4 - Doneztebe 9 (Julen Larretxeak 3, Xabier Erasunek 2, Haritz Narbartek 2, Iker Sukilbide eta Xabier Mariezkurrena)
Gipuzkoako Emakumezkoen Kopan
Luberri 0 - Beti Gazte 3 (Erika Txoperenak 2 eta Maddi Sese)