Aintzirako laugarren bestak maiatzaren 29an ospatuko dira

Herri Urrats bestaren xehetasunak ondoko TTIPI TTAPAn eskainiko ditugu, aldizkari hau inpri­mategian baitzen ikasto­len aldeko besta ospatu zen egunean. Aintziran segituz, halere, auzo­ki­deek ez dute aspertze­ko denborarik, ohiturari jarraikiz, maiatzeko azken larunbatean auzoko laugarren bestak ospatuko baitituzte tokiko besta batzordeak apailaturik.
13:00etan petanka zoingehiagoka eginen da bigarren aldikotz. 18:00­etan Jamixel senperta­rrak kantaldia eskainiko du; eta gero aperitifa eta xerri ttiki jatea eginen dira. Musikaz alaitua izanen den afarian, herriko ekoizpenak dastatzen ahalko dira beti bezala: urdaiazpikoak, patea, gasna, ogia eta pastiza. Afariaren prezioa 20 eurokoa da hel­duen­tzat eta 10 eurokoa haurrentzat. Izenak eman behar dira maiatzaren 22a baino lehen telefonaz deituz: Maite 06 18 09 97 25 edo Séverine 05 59 54 51 41. Xehetasunak aintzirako besta batzordearen blog be­rrian­ irakur daitezke:                                                                                                    http://aintzirakobestak.unblog.fr/ortzana@gmail. com.

Auzoz-auzo
Aintzirakoak auzoeta­ko lehen bestak izaten dira eta gero lekukoa hartzen dute karrika, Amotze eta Ibarrungo gazteek. Senpereko bes­tak ereiaroaren azken asteburuan ospatuko dira. 25ean zikiroarekin hasiko dira; igandearekin he­rritarren bazkaria eginen da bertsulariek alaiturik eta astelehenean Hego Amerikako eguna izanen da Capoeira talde batek animaturik eta saltsa dan­tzen ikastaroekin. Gero, uztaila erditsuan, Amotzeko bestetan Betagarri taldea eta Lazkano, Brave eta Bessonart kantari senpertar gazteak entzun ahal izanen dira, bertzeak bertze. Ib­a­rrungo Mikeliak buruilaren 24tik goiti ospatuko dira aurten.