Eskualdeko 13 herritako euskararen alderak ageri dira Euskaltzaindiaren azken lanean

Ahozko euskararen aldaerak mapetan jasoz, Euskararen Herri Hizkeren Atlasa (EHHA) argitaratu du Euskal­tzain­diak berriki. Urteetako lanaren emaitza izan da, 1983­an onartu baitzuten egitasmo hau; 1984an prestatze lanak egin zituzten, eta 1987­tik 1992­ra inkestak egiten ibili ziren.
Euskal Herri osoko 145 he­rri hautatu eta horietan egin zituzten inkes­ta lanak. «Adineko per­tsonak aukeratu ziren, sortzez eta familiaz tokian tokikoak, eta herritik kanpo gutti ibiliak». Eta 145 horietatik 13 eskualdekoak dira: Aniz, Azkaine, Donamaria, Erra­tzu, Etxa­lar, Ezkurra, Goizueta, Lei­tza, Le­ka­roz, Sara, Senpere, Sunbi­lla eta Zugarra­murdi.
Landu diren gaien artean, hauek dira nagusiak: abereak; zerua, denbora eta eguraldia; leho­rra eta itsasoa; arbolak eta landareak; etxe-abereak eta hazkuntza; base­rri etxea; baserriko jardue­rak,tresnak eta ekoizpena; gorputza, eritasunak eta familiako bizitza; gizarteko bizitza eta laneko mundua...
Bi modu daude emai­tzak kontsultatzeko: soinuzko datuen kontsultaren bidez –Azkue Bibliotekan ikertzaileen esku dira CD-ROMak–, eta datu trans­kribatuen kon­tsultaren bidez –hau nork bere etxean egin dezake, liburu batean edo CD-ROM batean–. Bertzalde, sarean ere jarri du Euskaltzaindiak edukia.