Doneztebeko Enplegu Bulegoan 1.149 lagunek emana zuten izena apiril hondarrean, martxoan baino 40 guttiagok. Oraindik langabe kopurua handia bada ere, apirilean %3,36 egin zuen beheiti eskualdean. Doneztebeko Bulegoaren bitartez, 359 kontratu egin ziren apirilean, baina horietatik 55 bertzerik ez ziren mugagabeak izan.
Adina eta sexuari dagokionez, 25 urtez goitikoen artean somatu zen gehien jautsiera; gizasemeetan 524tik 505ra jautsi zen langabe kopurua eta adin tarte horretako emakumeen artean, 528tik 504ra. 25 urtez beheitikoen arteko gizasemeetan 91tik 87ra jautsi zen, baina emakumeetan, 47tik 53ra igo zen.
Lan arloei dagokienez, zerbitzuen arloan eta industrian bakarrik jautsi zen langabezia. Eta zerbitzuen arloak segitzen du langabe gehien izaten, nahiz eta apirilean jautsiera handiena somatu zuena ere arlo hori izan, 667tik 635era egin zuen.
Industrian ere 20 lagun guttiago zueden lanik gabe, 254. Eraikuntzan berdin mantendu zen langabezia (163 langabe); nekazaritzan, 22tik 24ra igo zen eta aitzinetik lanik egin ez zutenak 73 ziren apiril hondarrean, martxoan baino 10 gehiago.