2009-2016ko Nafarroako Errepideen Plan Zuzentzaileari, herritik pasatzen diren bi errepide moldatzeko egindako bi alegazioak ez direla kontuan hartu salatu du Udalak.
Alde batetik, Etxalarko Benta eta Lizaieta lotzen dituen errepidea moldatzea eskatu zuen, bereziki herria eta Lizaietako gainaren arteko zatia, «puntu zehatzetan igarotzeko arazo handiak daudelako, guttieneko baldintzak betetzen ez dituzten zenbait bihurgunetan, batez ere». Arriskua guttitzeko trazatua moldatu beharko litzatekeela uste du Udalak, bihurgune horiek zabalduz eta zapaltzeko moduko kunetak eginez.
Nafarroako Errepide Sarean ageri ere ez den Zugarramurdirako bidea hobetzeko proposamena ere egin zuen Udalak, baina ez da kontuan hartu. Udalaren irudiko, ordea, lehenbailehen egin behar dira lanak. Gainera, etorkizunean, Bizikletaren Plan Zuzentzailean ageri da bide hau.